İsrailin pilotsuz təyyarəsi Livanın cənubunda avtomobilə hücum edib

İsrail ordusu Livanın cənubunda pilotsuz təyyarə ilə bir avtomobili hədəfə alıb.

Sizinyolun xarici medialara istinadən verdiyi məlumata əsasən, sionist rejim ordusu bu gün (5 mart) Livanın cənubundakı Rəsən Nəqura bölgəsində pilotsuz təyyarənin hücumu zamanı mülki avtomobili hədəf alıb.

Livan vətəndaşları və ölkə ordusunun qüvvələri ona kömək etmək üçün avtomobilin yanına getməyə çalışsalar da, İsrail pilotsuz uçan aparatı onları iki mərhələdə hədəfə alıb.

Hələlik hücumla bağlı əlavə məlumat verilmir.

Bir neçə saat əvvəl sionist pilotsuz təyyarə Tel-ən-Nəhas-Kəfr Qala yolunda Livan vətəndaşının üzərinə səsli bomba atmışdı.

Dünən İsrail ordusuna məxsus pilotsuz uçan aparat Livanın cənubundakı Rəşkananiyyə qəsəbəsində bir avtomobili hədəfə alıb.