İslami Cihad: Biz Qəzzada beynəlxalq qüvvələrin olmasını qəbul etmirik

 Qahirədə keçirilən ərəb sammitində Fələstin xalqının tələblərinin yerinə yetirilməsi üçün dəqiq praktiki həll yolu təqdim edilməsə də, İslami Cihad Hərəkatı Qəzzada xarici və beynəlxalq qüvvələrin mövcudluğunu qəbul etmədiyini elan edib.

Sizinyolun xarici medialara istinadən verdiyi məlumata əsasən,   Fələstin qrupları və fiqurlarının dünənki ərəb liderlərinin Qahirədə keçirilən iclasının qərarlarına reaksiyalarının davamında İslami Cihad Hərəkatı baş katibinin müavini “Məhəmməd Əl-Hindi”  bu gün (5 mart) deyib: Bizim buna haqqımız var. Biz Qəzza zolağında hər hansı beynəlxalq qüvvənin olmasını rədd edirik. Sionist rejim regionu zəiflətmək və müxtəlif yollarla ona hakim olmaq istəyir və heç vaxt Fələstin dövlətinin yaradılmasını istəmir.

O əlavə edib: Ərəb sammitindən əldə edilənlər yaxşıdır, lakin İsrail bütün bu təklifləri rədd edərsə, nə baş verər?

İslami Cihad Hərəkatı Ərəb Zirvə Toplantısının nəticələrinə cavab olaraq müstəqil bəyanat verərək, yekun bəyanatın məzmunu və sammitdə irəli sürülən mövqelərin müsbət olduğunu, lakin sionist işğal rejimi və ABŞ-ın Fələstin xalqı və ərəb ölkələrinin mövqeyinə qarşı qoyduğu çağırışlara cavab vermədiyini açıqlayıb.

Hərəkat bəyan edib: Fələstin xalqının məcburi köçkünlüyünün qarşısının alınması, Qəzza zolağının yenidən qurulması, Qəzzada, İordan çayının qərb sahilində və işğal olunmuş Qüdsdə təcavüzün tamamilə dayandırılması kimi mühüm məsələlər hələ də praktiki həllini tapmamış qalır.