Avropalı ifrat sağçı siyasətçilərə İsraildən dəvət
İsrail bu ay işğal olunmuş Qüdsdə keçiriləcək konfransa Avropanın ifrat sağçı partiyalarının siyasətçilərini dəvət edib.
İspan dilli Aurora İsrailə görə; İsrailin diasporla iş üzrə naziri Amichai Çiklinin təşəbbüsü ilə İsrail bu ay işğal altındakı Qüdsdə keçiriləcək “Antisemitizmlə Mübarizə üzrə Beynəlxalq Konfrans” üçün Avropanın ifrat sağçı partiyalarının siyasətçilərini qəbul edəcək.
Konfransda 1972-ci ildə Jan-Mari Le Pen tərəfindən Milli Cəbhə olaraq qurulan Fransa Milli Rallisinin lideri Cordan Bardella kimi şəxslərlə yanaşı, İspaniya, İsveç və Hollandiyadan partiya nümayəndələri də iştirak edəcək.
Jan-Mari Le Penin nəvəsi və Milli Cəbhənin qurucusunun ifrat sağçı ənənəsinə daha yaxın olan partiyanın lideri Marion Maréchal və Vox partiyasından Hermann Tertsch də iştirak edəcək.
Aurora İsrailə görə, “Almaniya və Avstriya kimi ölkələrdə ifrat sağçı partiyalara qarşı ənənəvi İsrail boykotu davam etsə də, digər Avropa siyasətçilərinə qarşı bu siyasət dəyişikliyi bu qrupları antisemitizmi təbliğ etməkdə və qitənin nasist keçmişi ilə əlaqədə olmaqda ittiham edən yəhudi təşkilatlarının sərt tənqidinə səbəb oldu.”
Almaniyanın antisemitizmlə mübarizə üzrə komissarı Feliks Klein qonaqların siyahısını öyrəndikdən sonra iştirakını ləğv edib.
Bununla belə, Çikli iddia etdi ki, “müsəlman immiqrasiyasına görə antisemitizm Avropada artan bir problemdir” və “Avropa sağçı partiyaları bu problemi başa düşür və bununla mübarizə aparmaq üçün lazımi addımları atmağa hazırdır”.
