Ayətullah Xamenei: İslam ümmətinə qələbə arzulayıram

İslam İnqilabının Ali Rəhbəri 1404-cü Günəş ilin başlanğıcı münasibətilə etdiyi çıxışında bütün islam ümmətinə qələbə arzulayıb.

Sizinyolun xarici KİV-lərə istinadən verdiyi məlumata görə, Həzrət Ayətullah Xamenei Yeni ilin başlanğıcının Qədr gecələri və möminlərin əmiri həzrət Əlinin (ə) şəhadəti münasibətilə çıxışında 1404-cü ilin şüarını “İstehsal üçün investisiya” adlandıraraq hökumətin layihələri və xalqın iştirakı ilə rifahın yaxşılaşacağına ümid etdiyini bildirib.

Həzrət Ayətullah Xamenei çıxışının yekun hissəsində işğalçı sionist rejimin Qəzzəyə yenidən təcavüzünü çox böyük və fəlakətli cinayət adlandıraraq vurğulayıb: Bu, İslam ümmətinin problemidir. Ona görə də bütün ümmət fikir ayrılıqlarını bir kənara qoyub, bu cinayətlərə qarşı birləşməlidir. Həmçinin, Avropa və Amerika da daxil olmaqla dünyanın bütün azad insanları bu xain və fəlakətli hərəkətlə mübarizə aparmalı, uşaqların bir daha qətliam edilməsinin, evlərin dağıdılmasının, insanların didərginliyinin qarşısını almalıdırlar.

Ali Məqamlı Rəhbər həmçinin Amerikanın bu faciəyə görə məsuliyyət daşıdığını, bu cinayətin Amerikanın sifarişi və ya ən azından onun razılığı ilə törədildiyini vurğulayaraq deyib: Yəməndə baş verən hadisələr, Yəmən xalqına və dinc əhaliyə qarşı hücumlar da başqa bir cinayətdir və qarşısı alınmalıdır.