UNICEF: İsrailin son hücumlarında 200 uşaq həlak olub
BMT Uşaqlara Yardım Fondunun (UNICEF) Qəzzadakı sözçüsü İsrailin son hava hücumları nəticəsində 200-dən çox uşaq həyatını itirdiyini elan edib.
Sizinyolun xarici KİV-lərə istinadən verdiyi məlumata görə, adının açıqlanmasını istəməyən UNICEF rəsmisi bu gün (21 mart) deyib: Çox sərt hava şəraitində davam edən bombardmanlar səbəbindən minlərlə mülki şəxs daim bir bölgədən digərinə köçmək məcburiyyətində qalıb. Bu hücumlardan sağ çıxan uşaqların çoxu çox ciddi və təhlükəli xəsarətlər alıb.
BMT rəsmisi həmçinin xəbərdarlıq edib ki, Qəzzanın xəstəxanaları davamlı bombardmanlar səbəbindən artıq bu humanitar fəlakətin öhdəsindən gələ bilmir. O, Qəzzada yaranmış kritik vəziyyətə toxunaraq, ərzaq blokadasının bölgə sakinlərinə, xüsusilə də uşaqlara ciddi təsir göstərdiyini vurğulayıb.
Həmçinin, UNİCEF-in məlumatına görə, əsas malların qiymətləri o həddə çatıb ki, insanların çoxu artıq onları almağa gücü çatmır.
