ABŞ və İsrail gələn həftə Ağ Evdə İranla bağlı danışıqlar aparacaq
Amerikanın Axios saytı İranın nüvə proqramı ilə bağlı gələn həftə Ağ Evdə ABŞ və İsrail arasında strateji danışıqların keçiriləcəyini bildirib.
Sizinyolun xarici KİV-lərə istinadən verdiyi məlumata görə, Axios saytı dünən (20 mart) yerli vaxtla iki İsrail və bir Amerika rəsmisinə istinadən xəbər verib ki, ABŞ və İsrail gələn həftə Ağ Evdə İranın nüvə proqramı ilə bağlı strateji danışıqlar aparacaq.
Məlumata görə, Ağ Evdə keçiriləcək danışıqlar üçün strateji işlər naziri Ron Dermer və milli təhlükəsizlik müşaviri Tzaçi Hanegbi də daxil olmaqla İsrail nümayəndə heyəti ABŞ-a səfər edəcək.
Qeyd edək ki, ABŞ prezidenti Donald Tramp Tehrana yeni nüvə sazişinin əldə edilməsi üçün danışıqlar aparmağı təklif edib.
Axios yazır: İsrailin baş naziri Binyamin Netanyahu və komandası hesab edir ki, İranla razılığa gəlmək şansları çox zəifdir. Ona görə də gərginliyin artması və hərbi münaqişə ehtimalı halında Vaşinqtonla birgə fəaliyyət planı üçün koordinasiya etməyə çalışırlar.
