Yəmən Ben Qurion hava limanının təhlükəsizlik qalxanını məhv edib (ətraflı)
Yəmən Silahlı Qüvvələri İsrailin Qəzzaya hücumları bitənə qədər Ben Qurion hava limanının təhlükəli qalacağını və hərbi əməliyyatların davam edəcəyini açıqlayıb.
Yəmən Silahlı Qüvvələrinin sözçüsü briqada generalı Yəhya Seri, son hərbi əməliyyatda Ben Qurion hava limanının “Fələstin 2” hipersonik ballistik raketi ilə hədəf alındığını təsdiqləyərək, hava limanının son 48 saat ərzində üçüncü dəfə hədəfə alındığını, Yəmən Silahlı Qüvvələrinin də Palin ordusuna dəstək üçün bir sıra əməliyyatlar həyata keçirdiyini açıqlayıb.
Briqada generalı Seri Ben Qurion hava limanına qarşı əməliyyatın uğurla məqsədinə çatdığını təsdiqləyib və qeyd edib ki, Qəzzaya hücumlar dayandırılana qədər hava limanı təhlükəli vəziyyətdə qalacaq.
Yəmən Silahlı Qüvvələri işğal altındakı Yaffa bölgəsindəki Ben Qurion hava limanının hava nəqliyyatı üçün təhlükəli hala gəldiyi ilə bağlı bütün aviaşirkətlərə xəbərdarlıq edərək, “İsrailin Qəzzaya hücumları dayandırılana və blokada qaldırılana qədər bu vəziyyətin davam edəcəyini” vurğulayıb.
Bununla bağlı briqada generalı Seri, Yəmən Silahlı Qüvvələrinə məxsus pilotsuz uçuş aparatının ABŞ-ın Yəmənə təcavüzünə cavab tədbirləri çərçivəsində ABŞ-ın təyyarədaşıyan USS Harry Truman-a aid bir neçə döyüş gəmisinə qarşı hərbi əməliyyat həyata keçirdiyini bildirib.
O, həmçinin qeyd edib ki, ABŞ son bir neçə saat ərzində Yəmənin Qəzzanı dəstəkləməsinin qarşısını almaq və Fələstin xalqına dəstəyini davam etdirməsinə mane olmaq üçün uğursuz cəhdlə müxtəlif valiliklərə bir sıra reydlər təşkil edib.
Yəmən Silahlı Qüvvələri Qəzzada Fələstin xalqı ilə tam həmrəy olduqlarını bildirərək, onların İsrailin təcavüzü qarşısındakı fədakarlıqları və qətiyyətlərini tərifləyərək, Yəmənin Qəzzaya dəstəyinin mühasirə aradan qaldırılana və fəsad və nəticələrdən asılı olmayaraq, təcavüz dayandırılana qədər davam edəcəyini təsdiqləyiblər.
Bir neçə gün əvvəl Ənsarullah lideri Seyid Əbdülməlik əl-Husi “cihadın yalnız İsrail işğalının zülmü, cinayətləri və şərlərinə qarşı çıxmaq üçün vacib edildiyini” bildirmişdi.
Yəmən silahlı qüvvələrinin işğala qarşı ən yüksək səviyyədə güclənəcəyini bildirən Seyid əl-Husi də fələstinlilərə bu sözlərlə müraciət edib:
”Sən tək deyilsən.”
Çıxışı zamanı “İsrail rejimi ilə üz-üzə gəlmək və qarşıdurma vermək üçün məsuliyyəti öz üzərinə götürməkdən qaçmaq mümkün deyil” deyən Seyid əl-Husi, “İsrail Fələstin davasını aradan qaldıra bilsə, heç kimi nəzərə almadan cinayətlərini bütün digər ölkələrə yayacaq” xəbərdarlığını etdi.
