Ali Rəhbərin İraqdakı nümayəndəsinin Beynəlxalq Qüds Günü ilə bağlı bəyanatı
Ali Rəhbərin İraqdakı nümayəndəsi Beynəlxalq Qüds Günü ilə bağlı bəyanat yayıb.
Sizinyolun xarici medialara istinadən verdiyi məlumata əsasən, Seyid Müctəba Hüseyninin Beynəlxalq Qüds Günü ilə bağlı bəyanatının mətni belədir: Allahın salamı, bərəkəti və rəhməti sizin üzərinizə, imanlı və mübariz İraq xalqına və dünyanın bütün azad xalqına olsun.
Bu il Beynəlxalq Qüds Gününü bu günün məzlumlar, müqavimət göstərənlər, şərəf və ləyaqət sahibləri üçün simvola çevrildiyi bir vaxtda qeyd edirik. Sionist rejim öz həqiqi simasını üzə çıxarıb və böyük şeytanın başçılıq etdiyi təkəbbürlü hökumətlərlə birlikdə Qəzzada olan atalarımız, qardaşlarımız, bacılarımız və övladlarımıza qarşı kin və düşmənçilik atəşini yandırıb. Onlar on minlərlə kişini, qadını, uşağı şəhid etmiş, sakinlərinin başının üstündə evləri, xəstəxanaları, məktəbləri dağıtmış, torpağı, nəsli məhv etmişlər.
Odur ki, İslam İnqilabının banisi İmam Xomeyninin (rəh) çağırışına İraq cəmiyyətinin bütün təbəqələrindən olan kişi və qadınların iştirakı ilə hər il bu gündə geniş yürüş keçirməklə cavab vermək borcumuzdur. Biz bu iyrənc cinayətlərdən ikrah və lənətlədiyimizi ifadə etməli və Livan, Yəmən, Suriya, İran və digər inqilabi xalqlardakı qardaşlarımızla həm Qəzzada, istərsə də işğal olunmuş ərazilərdə məzlum Fələstin xalqı ilə həmrəy olmalıyıq.
Bu gün qətl, yaralanma, talan və dağıntıların şahidi olmaqda davam edərkən biz də müqəddəs ziyarətgahların yaxınlığından və hidayət İmamlarının (ə) iqamətgahı olan İraq torpağından Fələstin xalqına dəstək və qəsbkar sionistlərə nifrət edən bütün azadlıqsevər xalqlara qoşuluruq. Biz ilahi yardıma və möminlərin qələbəsinə inanırıq və ümid edirik ki, yaxın gələcəkdə Fələstin torpağı çaydan-dənizə sionist çirkabından təmizlənəcək.
Ayətullah İmam Xameneinin buyurduğu kimi: Dünyanın harasında olursa-olsun, bu məsələni (Qüds günü yürüşündə iştirak etmək) bütün müsəlman xalqlarına vacibdir.
Bu müqəddəs dastanın bütün iştirakçılarına və şəhidlərin, xüsusilə son günlər itirdiyimiz qəhrəmanların pak ruhlarına salam və rəhmət diləyirəm. Uca Allahdan onlar üçün daha çox rəhmət və bağışlanma diləyirəm.
