Əl-Sudani: Biz yersiz ambisiyalara qarşı İranın yanındayıq

İraqın Baş naziri Pezeşkiyanla telefon danışığında onu Fitr bayramı münasibətilə təbrik edərək deyib: “İran və İraq arasında qardaşlıq və dostluq əlaqələrinin gücləndirilməsi həssas bölgədə mövcudluğun tələbidir. Biz vəhdətlə, əlaqələri möhkəmləndirməklə iki xalqın bədxahlarına qarşı mövqeyimizi daha da gücləndirməliyik.”

Əl-Sudani həmçinin deyib: “İraq hökuməti və xalqı həmişə İrana rəğbət və həmrəylik nümayiş etdirib. Biz əsassız ambisiyalara qarşı İranın yanındayıq. Əminik ki, İran Allaha təvəkkül edərək, İslam İnqilabı Rəhbəri və sizin prezidentliyinizlə bağlı tədbirlərinə arxalanaraq qarşıdakı çətin mərhələni salamat keçəcək.”

Pezeşkiyan da bu telefon danışığında deyib: “İran İraqla bağladığı bütün razılaşmaları yerinə yetirməkdə qərarlıdır. Beləliklə, iki ölkə ilə, həmçinin digər İslam və qonşu dövlətlər arasında əlaqələri gücləndirməklə, düşmənlərin region ölkələri arasında təfriqə salmaq planlarını zərərsizləşdirəcəyik.”