Darçın kimlər üçün zərərlidir? – XƏBƏRDARLIQ

Alimləri apardıqları araşdırmalar nəticəsində müəyyən ediblər ki, darçının tərkibində olan sinnamaldehid bəzi dərmanları orqanizmdən xaric edə bilər, bu isə onların effektivliyini azaldır.

Yeməklərə və içkilərə az miqdarda darçın əlavə edənlər üçün ciddi risk yoxdur. Amma bu ədviyyatın çox miqdarda qəbulu müəyyən problemlərə səbəb ola bilər.

“Darçının həddindən artıq istifadəsi reseptlə verilən dərmanların orqanizmdən tez çıxarılmasına və bunun nəticəsində onların təsirinin azalmasına gətirib çıxara bilər”.

Alimlər müəyyən ediblər ki, darçının əsas komponenti olan sinnamaldehid, bədəndə bəzi dərmanları parçalaya bilən reseptorları aktivləşdirir. Bu xəbərdarlıq ilk növbədə hipertoniya, şəkərli diabet, artrit, astma, piylənmə, İİV, SPİD, depressiya kimi xroniki xəstəliklərdən əziyyət çəkən və mütəmadi dərman qəbul edən insanlara aiddir.

“Ən yaxşı məsləhət – reseptlə verilən dərmanlarla yanaşı darçın kimi əlavələr istifadə etməzdən əvvəl həkimlə məsləhətləşməkdir”.

Bununla yanaşı, araşdırmada bildirilir ki, aşpazlıqda və kosmetik vasitələrin istehsalında istifadə olunan darçın yağı heç bir risk daşımır.