Şeyx Nəim Qasim: “Hizbullah 1982-ci ildən bəri Livan ərazilərinin işğal olunmuş ərazilərə ilhaqının qarşısını alır”
Livan Hizbullahının baş katibi deyib: Livandakı islami müqavimət 1982-ci ildən bəri Livan ərazilərinin sionist rejim tərəfindən işğal olunmuş ərazilərə ilhaqının qarşısını alıb.
İRNA-nın Livanın Əl-Mənar kanalına istinadən verdiyi məlumata görə, Şeyx Nəim Qasim bazar ertəsi gecə Hizbullah komandiri Seyid Zülfiqar ləqəbli Seyid Mustafa Bədrəddinin şəhadətinin ildönümü münasibəti ilə çıxışında əlavə edib: Müqavimət müdafiə variantıdır və siyasi perspektivdir, müqavimət torpağın, müstəqilliyin və ləyaqətin azadlığı ilə bağlıdır.
O, deyib: “Ulul-Bə’s” döyüşündə müqavimət əfsanəvi əzmkarlıq göstərərək sionist rejim ordusunun irəliləməsinin qarşısını aldı.
Hizbullahın baş katibi sionist rejimin Livan ərazisinə qarşı hər neçə ildən bir təcavüzünə toxunaraq bu sualı qaldırıb: Əgər İsrail rejimi bir neçə ildən bir tədricən Livanın bir hissəsini ilhaq edə bilsəydi, bu gün Livan harada olardı?
O, İsrail rəsmilərinin müqavimətin təslim olması ilə bağlı iddialarına cavab olaraq əlavə edib: Təhdidlərə cavab vermək və təslim olmaq başqa bir şeyi göstərir və bu variant (təslim olmaq) itaət, diz çökmək və güc məntiqini qəbul etməkdir, lakin bizim məntiqimiz haqqdır.
