Qərbin Mossad-a dəstəyi üzə çıxdı

İsrailin xarici kəşfiyyat xidməti Mossad, parlamentlərin və ya seçilmiş siyasətçilərin nəzarəti olmadan Qərbi Avropada fələstinlilərə qarşı sui-qəsd əməliyyatları həyata keçirmək üçün Qərb kəşfiyyat agentlikləri ilə əməkdaşlıq edirdi.

İngiltərənin The Guardian qəzetinə görə , məxfiliyi ləğv edilmiş sənədlər Qərb kəşfiyyat bölmələri ilə İsrailin xarici kəşfiyyat xidməti Mossad arasında gizli əməkdaşlıq olduğunu ortaya çıxarıb.

Bu əməkdaşlıq sayəsində Mossad Qərbi Avropadakı hücumlarla əlaqəsi olduğu iddia edilən fələstinlilərin izinə düşüb öldürə bildi.

Məlumata görə, bu dəstək parlamentlər və ya seçilmiş siyasətçilər tərəfindən nəzarətsiz həyata keçirilib.

Mossadın sui-qəsd kampaniyası 1972-ci ildə Münhen Olimpiadasına fələstinli silahlıların hücumundan sonra başlayıb.

Bu sui-qəsdlərdə Paris, Roma, Afina və Nikosiyada ən azı dörd fələstinli, on il ərzində başqa yerlərdə isə altı fələstinli öldürülüb.

Əməliyyat bəzi mənbələr tərəfindən “Tanrının Qəzəbi Əməliyyatı” adlandırıldı və Stiven Spilberqin 2005-ci ildə Münhen filminə ilham verdi.

Qərb kəşfiyyat agentliklərinin dəstəyinə dair sübutlar Aberystwyth Universitetinin doktoru Riçard Manndan gəlir. Aviva Quttman tərəfindən İsveçrə arxivlərində tapılan şifrəli yazışmalarda aşkar edilib.

Bu yazışmalar 1971-ci ildə qurulan Kilovat adlı gizli sistem vasitəsilə 18 Qərb kəşfiyyat orqanı arasında paylaşılıb.

Kilovat sisteminə İsrail, Böyük Britaniya, ABŞ, Fransa, İsveçrə, İtaliya və Qərbi Almaniya daxildir.

Yazışmalarda Fələstin silahlı dəstələrinin taktikası, təhlükəli insanların hərəkətləri, sığınacaqlar və nəqliyyat vasitələri haqqında məlumatlar yer alıb.

Doktor Quttman qeyd edib ki, məlumat çox konkretdir və insanları konkret hücumlarla əlaqələndirir. O əlavə etdi:

Bəzi Qərb bölmələri hətta bu sui-qəsdlərlə bağlı apardıqları araşdırmaların nəticələrini, ehtimal ki, sui-qəsdləri həyata keçirən Mossad ilə bölüşdülər”.