Almaniya Ukraynada Uzun Mənzilli Silah Sistemlərinin İstehsalını Maliyyələşdirir!
Sizinyol xarici KİV-ə istinadən xəbər verir:
Almaniya Ukraynada istehsal edilən uzun mənzilli silah sistemlərinin maliyyələşdirilməsi üçün yeni razılaşma imzalayıb. Almaniyanın müdafiə naziri Boris Pistorius bildirib ki, Berlinin dəstəyi ilə istehsal olunan ilk Ukrayna uzun mənzilli silah sistemləri bir neçə həftə ərzində Ukrayna Silahlı Qüvvələrində yerləşdirilə bilər.
Bu razılaşma Almaniyanın Ukrayna müdafiə sənayesinə birbaşa investisiya qoymaq öhdəliyinə əsaslanır. Müdafiə naziri Rustem Umerov və Boris Pistorius arasında imzalanan müqaviləyə əsasən, Almaniya Ukraynada istehsal edilən silahların maliyyələşdirilməsini təmin edəcək.
