OECD İsrailə iqtisadi xəbərdarlıq edib
OECD Qəzza və Yəməndən gələn hərbi təhdidlər və İsrail daxilindəki siyasi fikir ayrılıqları səbəbindən İsrail üçün iqtisadi artım proqnozunu aşağı salıb.
Əl-Məsirədə yer alan xəbərə görə, İsrail iqtisadiyyatındakı mənfiliklər, xüsusilə Qəzzadakı qarşıdurmalar və Yəməndən gələn hücumlar səbəbiylə investisiya və turizm itkilərindən daha da artmaqdadır.
İqtisadi Əməkdaşlıq və İnkişaf Təşkilatı (OECD) İsrailin iqtisadi artım gözləntilərini “İsrailin üzləşdiyi geosiyasi və sosial risklər” kimi qələmə verərək bir daha aşağı salıb.
Əl-Məsirənin verdiyi məlumata görə, bu bəyanatda İsrailin sosial quruluşunu parçalayan daxili parçalanmalar, həmçinin Yəmən Silahlı Qüvvələri və Qəzzada müqavimət hərəkatlarının artan hərbi təhdidləri nəzərdə tutulur.
Bu çərçivədə İbrani iqtisadi qəzeti Calcalist, “İqtisadi artım gözləntilərinin bu il üçün 3,3%-ə, 2026-cı il üçün isə 4,9%-ə endirilib” xəbərini verib.
Qəzet qeyd edib ki, bu hesablamalar işğal rejiminə son zərbələrin kumulyativ təsiri barədə beynəlxalq məlumatlılığın artmasına əsaslanır.
Hesabatda vurğulanıb ki, İƏİT azalmanı birbaşa olaraq “regional təhlükələrin artması” ilə əlaqələndirib. Əl-Məsirə qeyd edib ki, bu, Yəmən cəbhəsi və onun həssas əməliyyatlarının İsrail strukturunu aktiv şəkildə hədəf alan yeganə regional cəbhə olaraq qaldığı üçün düşmənin ən böyük narahatçılığına çevrildiyinin göstəricisidir.
OECD həmçinin xəbərdarlıq edib ki, “Regional münaqişələrin genişlənməsi iqtisadi fəallığı zəiflədə və Netanyahu hökumətinin büdcə kəsirinin əhəmiyyətli dərəcədə artmasına səbəb ola bilər”.
Bu xəbərdarlığın Yəmən cəbhəsində gərginliyin artmasına açıq-aşkar istinad olduğu qeyd edilib.
Təşkilat həmçinin, Netanyahunun müharibəni və Qəzzanı blokadada saxlamaqda israrlı olması, israilli məhbuslar məsələsini həll etməməsi və israilli məskunlaşanlara qarşı artan təhdidlərə görə işğalçı rejim daxilində daxili siyasi fikir ayrılıqlarına işarə edib.
Hesabatda həmçinin İsrail daxilində davam edən “beyin axını və kapital qaçışı”, habelə “xarici investisiyaların kəskin azalması və digər həyati əhəmiyyətli iqtisadi sektorların pisləşməsi” vurğulanıb.
Əl-Məsirə bildirib ki, Yəmənin hava və dəniz blokadası beynəlxalq hava məkanının geniş şəkildə təcrid olunmasına və İsrailin əsas gəlir mənbələrinin, xüsusilə turizm və investisiyaların kəskin azalmasına səbəb olub.
Bildirilib ki, Hayfa limanına qarşı dəniz blokadası tətbiq olunarsa, bu itkilərin daha da artacağı gözlənilir.
