Sorğu: Britaniyalıların 62%-i İsrailə qarşı sanksiyaların tətbiq olunmasını istəyir
Sorğunun nəticələri ictimaiyyətə açıqlanarkən keçmiş Leyboristlər Partiyasının lideri və müstəqil deputat Ceremi Korbin Britaniya parlamentinə qanun layihəsi təqdim edib.
Britaniyada keçirilən yeni sorğu göstərib ki, ictimaiyyətin böyük əksəriyyəti İsrailin Qəzza zolağına hücumlarına görə ona qarşı sanksiyaları dəstəkləyir.
Sorğu nəticələrinə görə, britaniyalıların əksəriyyəti silah satışının dayandırılmasını, ticarət razılaşmalarının dayandırılmasını və İsrailə siyasi təzyiqin artırılmasını istəyir.
28-29 may tarixlərində “Global Justice Now” təşkilatının Yonder Consulting şirkəti ilə birgə keçirdiyi sorğuda 2109 böyük britaniyalıdan fikirlərini öyrənmək istənilib. Nəticələri The National qəzeti dərc edib .
Respondentlərin 62%-i İsrailə qarşı sanksiyaları dəstəklədiyini, yalnız 11%-i isə bu fikrə qarşı olduğunu bildirib.
Cəmiyyətin silah satışı ilə bağlı daha aydın mövqe tutduğu müşahidə edilib.
Respondentlərin 65 faizi İsrailin bu ölkəyə hücumları bitənə qədər Qəzzaya silah satışının tamamilə dayandırılmasının lazım olduğunu iddia edərkən, yalnız 11 faizi bu qərara qarşı çıxıb.
Bundan əlavə, respondentlərin 60%-i Böyük Britaniya ilə İsrail arasında mövcud azad ticarət sazişinin dayandırılmasını dəstəklədiyini, 13%-i isə təklifə qarşı olduğunu bildirib.
Sorğu məlumatları göstərir ki, Şotlandiyada İsrailə qarşı sanksiyalara dəstək Britaniyanın digər bölgələrinə nisbətən daha yüksəkdir.
Şotlandiyalı respondentlərin 66%-i sanksiyaları, 66%-i isə silah embarqosunu dəstəkləyib.
Ticarət müqavilələrinin dayandırılmasına dəstək 61% səviyyəsində qeydə alınıb.
Bu rəqəmlərə zidd olan nisbətlər müvafiq olaraq 9%, 10% və 12% təşkil edib. Şotlandiyada nəticələr 177 nəfərdən ibarət ümumi seçmə əsasında hazırlanıb.
Sorğunun nəticələri ictimaiyyətə açıqlanarkən keçmiş Leyboristlər Partiyasının lideri və müstəqil deputat Ceremi Korbin Britaniya parlamentinə qanun layihəsi təqdim edib.
Qanun layihəsində ölkənin Qəzza müharibəsindəki rolu ilə bağlı ictimai araşdırma aparılması tələb olunurdu. Korbin həmçinin İsrailin təcavüzünə son qoymağa və bölgəyə maneəsiz humanitar yardımın daxil olmasına çağırıb.
