İran Ordusunun sözçüsü: Hücum ABŞ tərəfindən dəstəklənib, cavabımız qəti olacaq
İran Silahlı Qüvvələrinin sözçüsü briqada generalı Əbolfəzl Şekarci bildirib ki, “İran İslam Respublikasının cavab tədbirləri qəti olacaq və düşmən ağır bədəl ödəyəcək”.
APA “IRNA“ya istinadən xəbər verir ki, İran ordusunun rəsmisi İsrailin hücumlarını “ABŞ-ın dəstəyi ilə həyata keçirdiyi” iddiası ilə çıxış edib.
O bildirib ki, Silahlı Qüvvələr tam hazır vəziyyətdədir və ağır cavab verəcək.
Sözçü eyni zamanda, bir neçə komandirin öldürüldüyünü təsdiqləyib.
