Qrossi: Natanz nüvə obyektindən kənarda radiasiya səviyyəsi dəyişməyib
İranın Natanz nüvə obyekti xaricində radiasiya səviyyəsi İsrailin zərbələrindən sonra dəyişməyib.
“Report” xəbər verir ki, bu barədə Beynəlxalq Atom Enerjisi Agentliyinin (BAEA) baş direktoru Rafael Qrossi “X” sosial şəbəkəsində yazıb.
“Natanzdakı obyektdən kənarda radiasiya səviyyələri dəyişməz qalıb. Müvafiq qoruyucu tədbirlər görülərsə, obyektin daxilində aşkar edilən radioaktiv çirklənmə növü – bunlar əsasən alfa hissəcikləridir – nəzarət altına alına bilər”, – o qeyd edib.
