Rusiya nümayəndəsi: İsrail üçüncü ölkələri müharibəyə cəlb etməyə çalışır

Vasili Nebenzya — Rusiyanın BMT-dəki səfiri və daimi nümayəndəsi, İranla İsrail rejimi arasında müharibə ilə bağlı Təhlükəsizlik Şurasının ikinci fövqəladə iclasında:

İranın dinc nüvə obyektləri hədəfdədir və bu, əvvəllər olmamış nüvə fəlakətinə səbəb ola bilər.

Rusiya İsrailin İranın mülki obyektlərinə hücumlarını qəbuledilməz və qanunsuz hesab edir. İran nüvə silahlarının yayılmasının qarşısının alınması müqaviləsinə sadiqliyini vurğulayıb.

İsrail dərhal, xüsusilə nüvə obyektlərinə qarşı hücumlarını dayandırmalıdır.

BMT Təhlükəsizlik Şurası vəziyyəti neytral qiymətləndirməli və uyğun həll yolu təqdim etməlidir. İsrail Vaşinqton və Tehran arasında planlaşdırılan son dolayısı ilə danışıqların ərəfəsində İrana hücum etdi.

İsrail yalnız İranın nüvə proqramı ilə bağlı diplomatik həll axtarışına laqeyd qalmadı, həm də əsas müttəfiqi ABŞ-ın kompromis yönümlü həll tapmaq istəyi barədə son açıqlamalarına hörmətsizlik etdi.

Bu ölkənin nüvə obyektləri Beynəlxalq Atom Enerjisi Agentliyinin nəzarəti altında olub, daima və dəqiq yoxlanılır.

İsrail bu beynəlxalq ekspert qurumun qiymətləndirmələrini nəzərə almadan, BMT Nizamnaməsinə məhəl qoymadan müstəqil ölkəyə hücum qərarı verdi.

İsrail üçüncü ölkələri öz müharibəsinə cəlb etməyə çalışır.