İsrail generalı xəbərdarlıq edir: Hətta ABŞ-ın yardımı kifayət etməyə bilər

34 il İsrail ordusunda xidmət edən istefada olan israilli general Yitzhak Brick İrana mümkün hücumun nəticələri ilə bağlı təəccüblü təhlil yazıb. Brik bildirib ki, İran yüzlərlə ballistik raketlə cavab verəcək və hətta ABŞ-ın yardımı kifayət etməyəcək.

34 il İsrail ordusunda xidmət edən istefada olan general Yitzhak Brick ” Maariv” qəzetindəki məqaləsində İrana qarşı hücumların nəticələrinin bədbin mənzərəsini çəkib .

İranın İsrailə qarşı hücuma yüzlərlə ballistik raketlə cavab verməyi planlaşdırdığını bildirən Brik, “İranın məqsədi raket sayı ilə İsrailin ələ keçirən raketlərini keçməkdir” dedi.

İsrailin ələ keçirən raketləri tükəndiyi zaman hətta ABŞ-ın yardımının belə kifayət etməyəcəyini vurğulayan Brik, “Bu halda İsrail, bir tona qədər çəkisi olan döyüş başlıqları ilə ballistik raket yağışı altında kifayət qədər müdafiə qabiliyyətindən məhrum olacaq” dedi.

“Hərbi hücum həll yolu deyil”

Təkcə hərbi hücumun İranın nüvə potensialını məhv etməyəcəyini qeyd edən Brik, bəzi nüvə obyektlərinin yerin min metr altında olduğunu və bu səbəbdən siyasi razılaşmanın zəruri olduğunu müdafiə etdi.

ABŞ-ın keçmiş prezidenti Donald Trampın yalnız Amerikanın maraqlarını düşündüyünü bildirən Brik, “Tramp İsrailə onun maraqlarına xidmət etdiyi müddətcə kömək edir. Bu, yükə çevriləndə arxasını çevirir” sözlərini yazıb.

Təqaüddə olan general Trampın İranla müharibədə İsraili tək buraxa biləcəyini və sadəcə logistik dəstəklə kifayətlənə biləcəyini təklif edib.

“Yeganə həll yolu ABŞ və İran arasında siyasi razılaşmadır”, – Brik yekunlaşdırıb.