HƏMAS ABŞ-ın atəşkəs təklifinə müsbət cavab verib

Əl-Məyadin-in müqavimət üzrə analitiki Hani əl-Dali cümə günü axşam bildirib ki, HƏMAS-ın cavabı müsbətdir. Əl-Dali bunun tam hüquqlu bir razılaşma olmadığını, daha çox “razılaşma çərçivəsi” olduğunu vurğuladı.

Digər tərəfdən, Reuters agentliyi HƏMAS-ın yüksək rütbəli rəsmisinə istinadən xəbər verir ki, hərəkat ABŞ-ın atəşkəs təklifinə cavabını vasitəçilərə çatdırıb.

Rəsmi bildirib ki, Həmas son cavabını verməzdən əvvəl bəzi məqamlara aydınlıq gətirilməsini istəyir.

“Əl-Ərəbiyyə”nin məlumatına görə, Qətər vasitəçiləri ABŞ-dan 60 günlük atəşkəsdən sonra müharibənin bərpa olunmayacağına dair zəmanət alıblar.

Hesabatda deyilir ki, Həmas Vaşinqtondan müharibəni həmişəlik bitirmək üçün rəsmi zəmanət verməsini tələb edir. ABŞ-ın bu tələbə necə cavab verəcəyi hələ bəlli deyil.

Vasitəçilərə istinadən Wall Street Journal bildirib ki, Həmas rəsmiləri Qahirədə yeni təklif mətninə müsbət cavab verib, lakin yekun cavabdan əvvəl bəzi müddəalara aydınlıq gətirilməsini istəyiblər.

İsrailin I24NEWS telekanalının məlumatına görə, ABŞ-ın təklifi əslində ABŞ-ın xüsusi nümayəndəsi Stiv Vietkoffun planının dəyişdirilmiş variantı idi.

Məlumata görə, hazırkı təklifə ilk gün 8, əllinci gün 2 olmaqla ümumilikdə 10 israilli məhbusun azad edilməsi, həmçinin 18 cəsədin qaytarılması daxildir.

Bunun müqabilində tərəflərin iki aylıq atəşkəsə razılaşacağı, bu müddət ərzində müharibəni həmişəlik dayandırmaq üçün danışıqların aparılacağı və hər iki tərəfin öz tələblərini masaya qoyacağı gözlənilir.