Pezeşkiyan 12 günlük məcburi müharibədə tibb bacılarının rolunu yüksək qiymətləndirərək onlara təşəkkür edib

İran Prezidenti Məsud Pezəşkiyan vurğulayıb ki, səhiyyə sahəsinin fədakar işçiləri, xüsusilə də şəfqətli tibb bacıları, koronavirus dövründə olduğu kimi, 12 günlük müharibənin təhlükəli anlarında da səhnəni tərk etməyərək, yaralılara yardım və qəmli ailələrə dəstək olaraq, ölkənin sağlamlıq salnaməsinə daha bir qızıl səhifə əlavə ediblər.

Prezident Pezəşkiyan 12 günlük müharibə zamanı tibb işçilərinin və xüsusilə tibb bacılarının məsuliyyətli və insanpərvər xidmətlərini yüksək qiymətləndirib və bu fədakarlıqları ölkənin səhiyyə sisteminin yeni bir fəxri adlandırıb. O vurğulayıb ki, tibb bacıları COVID-19 pandemiyası zamanı olduğu kimi, bu dəfə də vəzifələrini fədakarlıq və məsuliyyət hissi ilə yerinə yetiriblər.

Pezəşkiyan, eyni zamanda, silahlı qüvvələrin, yardım, səhiyyə və media sahələrində çalışan qüvvələrin də rolunu vurğulayaraq bildirib ki, bu milli həmrəylik sionist rejimin bombardımanları qarşısında xalqın müdafiəsi və xidmət göstərilməsi baxımından düşmənin məkirli məqsədlərini puç edib. Onun sözlərinə görə, bu birlik və həmrəylik, İranın izzətinin, müstəqilliyinin və tərəqqisinin arxasında dayanan əsas sütundur.

Prezident müraciətinin sonunda ölkəyə xidmət edən bütün şəxslərə sağlamlıq və uğurlar arzulayıb, həm müharibə günlərində, həm də ondan sonra xalqa xidmət edən bütün qurum və qüvvələrə səmimi təşəkkürünü ifadə edib. O əlavə edib ki, bu mübarizə və fədakarlıqlar İran xalqının tarixi yaddaşında əbədi olaraq yaşayacaq.