İsrail atəşi Quneytrada böyüyür; HTŞ İsraillə danışıqlar masası arxasında

İşğalçı İsrail qüvvələri Quneytra çölündə yanğınlar törətməyə və bölgədə hərbi fəaliyyətə davam edərkən, Heyət Təhrir əş-Şam (HTŞ) hücumlara səssiz qalır. Suriya ərazisində bu pozuntulara baxmayaraq, HTŞ nə reaksiya verib, nə də öz hüquqlarından istifadə etmək niyyətini bəyan edib.

Suriyanın yerli mənbələri bildiriblər ki, İsrail işğalçı qüvvələri Quneytranın cənubundakı Əl-Rafid qəsəbəsinin qərbində əkinçilik sahələrini qəsdən yandırıb.

Hücumdan sonra bölgədə böyük yanğın baş verib və onlarla hektar ərazi yanıb.

Mənbələr bildiriblər ki, bölücü xəttə yaxın ərazidə yerləşən mina yanğının şiddətindən partlayıb.

Yanğının qarşısını almaq üçün BMT qüvvələrinin bölgəyə müdaxilə etdiyi bildirilib.

Digər tərəfdən, daha əvvəl əl-Məyadinlə danışan yerli suriyalı mənbə , işğalçı İsrail ordusunun Quneytra çölündə Burayka və Bir Acem kəndlərinə dərindən sızaraq torpaq kütlələri yaratdığını bildirib.

Bildirilib ki, İsrail ordusu qonşu Ednaniye şəhərindən gətirilmiş yığma konstruksiyaları təxminən 7 metr hündürlüyündə torpaq bəndlərin arxasına yerləşdirib.

İsrailin Suriyadakı pozuntuları rejimin süqutundan sonra artmaqda davam edir. İsrail ölkənin cənubunda geniş əraziləri işğal edib və Suriya ordusunun hərbi potensialının 90 faizindən çoxunu məhv edib.

Heyət Təhrir əl-Şam (HTŞ) passiv qalmaqda davam edir və İsrailin bu hücumlarına cavab vermir. 

Ölkəyə rəhbərlik etmək üçün təyin olunan təşkilat Suriya ərazisini hədəf alan bu pozuntulara reaksiya verməklə bağlı heç bir açıqlama belə vermədi , cavab vermək hüququnu özündə saxlayır.