İsrail mediasından şok iddia: İsrail Türkiyədə HTS ilə görüşdü

İsrail mediası iddia edir ki, Türkiyə İsrail və HTS rəsmiləri arasında aparılan gizli danışıqlara ev sahibliyi edir. HTŞ-dəki mənbə İsrail mediasına açıqlamasında danışıqların bir hissəsinin Türkiyədə keçirildiyini və prosesin birbaşa ABŞ prezidenti Trampın nəzarəti altında davam etdiyini bildirib.

İsrail Kanal 12- nin xəbərinə görə , Heyət Təhrir əl-Şamdan (HTS) bir mənbə İsrail və HTŞ arasında davam edən gizli danışıqların Azərbaycanla məhdudlaşmadığını və Türkiyədə bəzi kritik görüşlərin keçirildiyini iddia edib .

Mənbənin sözlərinə görə, bu təmaslar ABŞ prezidenti Donald Trampın birbaşa müdaxiləsi və nəzarəti altında həyata keçirilib.

İsrail tərəfi prosesə ciddi yanaşır və Türkiyə İsraillə yaxın əlaqələri və regional diplomatik şəbəkəsi sayəsində danışıqlar üçün funksional və çevik platforma təklif edir. “Əl-Vətən” qəzeti Türkiyənin də daxil olduğu bu diplomatik təmasların tərəflərin yeni xarici siyasətinin əksi olduğunu yazıb.

İddialara görə, danışıqların əsas məqsədi İsrail və HTŞ arasında mərhələli anlaşmaya nail olmaqdır.

Bu prosesdə son məqsədin İbrahim razılaşmalarına bənzər bir uzlaşma modeli olduğu bildirilərkən, bəzi mürəkkəb məsələlərin hələlik təxirə salınacağı ifadə edilir .

HTS qaynağı danışıqlarda HTS-ə yaxın yüksək səviyyəli şəxslərin iştirak etdiyini və bu şəxslərin mesajları birbaşa təşkilatın lideri Kolaniyə çatdıra bildiyini bildirib.