İtaliya parlamentində süni intellekt rəsmi işə salındı

İtaliya rəqəmsal siyasətin yeni dövrünə qədəm qoyur: Deputatlar Palatası ilk dəfə olaraq qanunvericilik fəaliyyətini dəstəkləmək üçün süni intellekt platformalarını rəsmi olaraq tətbiq ediblər.

2023-cü ildən hazırlanmağa başlanan layihə aktiv sınaq mərhələsinə qədəm qoyur.

Layihə müəllifləri qeyd ediblər ki, bu o demək deyil ki, parlamentarilər bundan sonra çıxışlar hazırlamaq üçün gizli şəkildə “ChatGPT”dən istifadə edəcəklər (məsələn, senator Marko Lombardo 2023-cü ildə ictimaiyyət qarşısında süni intellekt tərəfindən yazılmış nitqi oxumuşdu), bu, generativ vasitələrin parlamentin işinə rəsmi inteqrasiyasıdır. Eyni zamanda, eksperimentin məqsədi insanı əvəz etmək deyil, işin səmərəliliyini və keyfiyyətini artırmaqdır.