Vyetnamda turist faciəsi: Halonq körfəzində gəmi qəzasında 28 nəfər həyatını itirdi – Video
Vyetnamın şimalında yerləşən və UNESCO-nun Dünya İrsi Siyahısına daxil edilən məşhur Halonq körfəzində turist gəmisinin qəzaya uğraması nəticəsində ölənlərin sayı 28-ə çatıb. Hadisə zamanı gəmidə yerli və xarici turistlərin olduğu bildirilir. Axtarış-xilasetmə işləri hələ də davam edir.
Rəsmilərin verdiyi ilkin məlumata görə, qəzaya hava şəraiti və texniki nasazlıq səbəb olub. Yaralanan şəxslər yaxınlıqdakı xəstəxanalara yerləşdirilib. Hadisə ilə bağlı araşdırma aparılır.
Turizm mövsümünün qızğın vaxtında baş verən bu faciə ölkədə və beynəlxalq ictimaiyyətdə böyük rezonans doğurub.
