İspaniyalı pilot möcüzəvi şəkildə F-18 təyyarəsini quş sürüsündən sonra xilas etdi – Video

İspaniya Hərbi Hava Qüvvələrinə məxsus F-18 tipli qırıcı təyyarə nümayiş uçuşu zamanı gözlənilməz hadisə ilə üzləşib. Təyyarə havada quş sürüsünə çırpıldıqdan sonra idarəetməni itirib. Hadisə zamanı yüksək peşəkarlıq göstərən təcrübəli pilot, saniyələr içində qərar verərək, təyyarəni təhlükəsiz şəkildə sabitləşdirməyə nail olub.

Şahidlərin sözlərinə görə, təyyarə bir neçə saniyə ərzində kontrolsuz vəziyyətə düşsə də, pilotun müdaxiləsi sayəsində faciəvi nəticənin qarşısı alınıb. Hadisə zamanı xəsarət alan olmayıb.

Mütəxəssislər hadisənin, quşlarla təyyarələr arasında baş verə biləcək toqquşmaların ciddi təhlükə yaratdığını bir daha sübut etdiyini bildirirlər.