Bağdadda ABŞ diplomatlarının keçdiyi yolda partlayış baş verdi

Sizinyol deyerler.org-a istinadən xəbər verir:

İraq mənbələri təhlükəsizlik qüvvələrinin Bağdaddakı Yaşıl Zonadan partlayış eşitdikdən sonra ərazinin girişlərindən birini bağladığını bildirib.

Deyerler.org xəbər verir ki, təhlükəsizlik mənbələrindən biri Shafaq News-a verdiyi açıqlamasında, bir qrup təhlükəsizlik qüvvəsinin partlayış səsini eşitdikdən sonra Əl-Qadisiyah bölgəsindən Yaşıl Bölgənin girişini mühasirəyə aldığını deyib.

Shafaq News daha sonra səbəbi araşdırmaq üçün dərhal hadisə yerinə istehkam mütəxəssislərinin çağırıldığını bildirib.

Əl-Dəclə xəbər saytı da, Yaşıl Zona yaxınlığında naməlum bir obyektin partladığını, lakin partlayışda heç kəsin xəsarət almadığını qeyd edib.

Shafaq News xəbər verir ki, Yaşıl Bölgəyə paralel körpü yaxınlığında Umm əl-Təbul məscidinin qarşısında naməlum bir obyekt partlayıb və partlayış yalnız maddi ziyanla məhdudlaşıb.

UNİON xəbər agentliyi yerli mənbələrə istinadən xəbər verir ki, Bağdad hava limanına gedən küçə ilə Yaşıl Bölgənin girişlərindən biri arasındakı rabitə yolunda bomba partlayıb.

Bağdaddakı Yaşıl Bölgənin girişində ABŞ diplomatlarının (bəzi mənbələrə görə Britaniya diplomatları) keçdiyi vaxt bombanın partladıldığı bildirilir.

Partlayışdan sonra ABŞ səfirliyi qapılarını bağlayıb. ABŞ helikopterləri Yaşıl Zona üzərində uçub.

Qeyd edək ki, bu gün (15 sentyabr) səhər də ABŞ-ın Yaşıl Bölgədəki səfirliyinə raket zərbələri endirilmişdi.