Ali-Xəlifə rejiminin sionist düşmənlə uzlaşmasına bəhreynlilərin etiraz nümayişləri

Sizinyol xarici mediaya istinadən xəbər verir:

Bəhreynin müxtəlif bölgələrindəki vətəndaşlar bu gün hakim rejimlə sionist rejim arasındakı uzlaşmaya etiraz olaraq nümayişlər təşkil edərək kompromisə gedənləri xain adlandırdılar.

Onlarla Bəhreyn vətəndaşı cümə günü ABŞ-da hakim rejim ilə Sionist rejim arasında uzlaşma sazişinin imzalanmasını qınayaraq etiraz etdi.

Etirazlar bu gün Bəhreynin müxtəlif şəhərlərində və bölgələrində “Qüds qəzəbinin cümə günü” başlığı altında baş verdi və cümə namazından sonra insanların küçələrə çıxdığı, polis qüvvələrinin də etiraz meydanındakı vəziyyətə nəzarət etmək üçün hazır olduqları bildirildi.

Bəhreyn mediası bu gün etiraz aksiyaları barədə məlumat vermədi, lakin sosial mediada yayımlanan bir videoda Manama yaxınlığındakı Əbu Səbi qəsəbəsi sakinlərinin əllərində Bəhreyn və Fələstin bayraqları tutaraq şüarları səsləndirdiyi və bu uzlaşmanın xəyanət olduğunu söyləməsi yayımlanıb.