Bütün qan qrupları üzrə kifayət qədər qan ehtiyatı yığılıb
Respublika Diaqnostika Mərkəzində bütün qan qrupları üzrə kifayət qədər qan ehtiyatı toplanıb.
Bu barədə Oxu.Az-a Respublika Diaqnostika Mərkəzindən məlumat verilib. Bildirilib ki, könüllü olaraq qan verən şəxslərin sayı həddən artıq çoxdur:
“Artıq bütün qan qrupları üzrə kifayət qədər qan ehtiyatı yığılıb. Bu səbəbdən də Respublika Diaqnostika Mərkəzində qanvermə aksiyası dayandırılıb. Qanvermə ilə bağlı hər hansı yeni aksiya olarsa, bu barədə ictimaiyyətə məlumat veriləcək”.
