Əfqanıstanda əyalət qubernatorunun maşın karvanına hücum edilib, ölənlər var

Əfqanıstanın Ləğman əyalətinin qubernatorunu daşıyan maşın karvanına hücum edilib. Ölənlər var.

İnterAz SalamNews-a istinadla xəbər verir ki, bu barədə Ləğman əyalətinin sözçüsü Əsədulla Dövlət-Zey məlumat verib.

Bildirilib ki, bu gün əyalətin inzibati mərkəzi Mehtərlam şəhərində hərəkətdə olan maşın karvanına hücum edilib.

Əyalət rəhbəri Rəhmətulla Yarmulun olduğu maşın karvanına hücumda azı 9 nəfər həyatını itirib.

Vali bu terror aktından xilas olub. Ölənlərin yarısı mülki şəxslərdir. Bu terror hücumunda 20 nəfər yaralanıb.

Hücumu hələ heç bir qrup üzərinə götürməyib.