Gənc yəmənli müharibə və məhrumiyyətlər içərisində Quran nüsxəsi yazır
Səudiyyə rejiminin başçılıq etdiyi haqsız müharibədə Yəmənin gənc əhalisinin çoxunu itirdiyi bir dövrdə, bu ölkədə hələ yaradıcılığı və sənəti ilə məhrumiyyət içində yaşaya biləcək gənclər var.
Deyerler.org İQNA-ya istinadən xəbər verir ki, Usamə Hamud Salih bu yolu tutan və ərəb xəttatlığına olan marağı sayəsində Quranın bir hissəsini yazmağı bacaran yəmənli bir gənc xəttatdır.
Usamə liseydə oxusa da, xəttatlıq sənətində böyük irəliləyişlərə imza atıb: “Xəttatlıq mənim sevdiyim iş və hobbimdir və hər insan bu sənəti öyrənə və vaxtını keçirə bilər. Yəmənin müharibə şəraitində olduğu bir vəziyyətdə, xəttatlıq üçün lazım olan bir çox alət və avadanlığım yoxdur, amma inanıram ki, insanlar təslim olmamalıdır. Buna görə əlimdəki alətlərlə işimi görməyə çalışıram”.
Usamə hekayəsi, milyonlarla yaradıcı insandan birinin “Sonsuz müharibə” adlanan çətin və ağır vəziyyətlərdə möhkəm ayaqda durmasının həyat hekayəsidir. Bəs bu vəziyyətdən kim faydalanacaq?
