İraq Kürd partiyası: Həşdi Şəbi İraqın azad edilməsində qəhrəmanlıq rolu oynadı

Sizinyol xarici mediaya istinadən xəbər verir:

İraq Kürd partiyasının üzvü Həşdi Şəbi qüvvələrinin İraq ərazisini İŞİD terror qruplaşmasının nəzarətindən azad etməsində qəhrəmanlıq rolu oynadığını vurğulayaraq Həşdi Şəbini müdafiə etdi.

Əl-Ceylul-Cədid (Yeni Nəsil) hərəkatının üzvü Aram Məhəmməd kürdlərin Həşdi Şabi qüvvələrinə hörmət etdiklərini vurğuladı.

Əl-Ceylul-Cədid İraq Kürdüstanında 2018-ci ildə İraq parlament seçkiləri zamanı yaradılan bir siyasi partiyanın adıdır.

Aram Məhəmməd Həşdi Şəbinin bütün İraq şəhərlərini müdafiə etdiyini və bu yolda böyük fədakarlıq göstərdiyini vurğuladı.

Həmçinin, əlavə etdi: “Həşdi Şəbinin heç bir partiya tərəfindən təhqir olunmasını qəbul etmirik. Demokrat partiyanın lideri olan Məhəmməd Zibari kimi insanlar daima “siyasi səbəblərdən və xarici sifarişlərlə fitnə qaldırmağa və problem yaratmağa çalışır.”