İraq Xarici İşlər Naziri: İŞİD ünsürləri yenidən təşkilatlanmağa çalışırlar

Sizinyol xarici mediaya istinadən xəbər verir:

İraq Xarici İşlər Naziri terror qruplaşması İŞİD-i bölgə və dünya üçün bir təhdid olaraq xarakterizə etməyə davam etdi və bu qrupun ünsürlərinin yenidən təşkilatlanmağa çalışdıqlarını söylədi.

İraq Xarici İşlər Nazirliyinin cümə axşamı gecəsi verdiyi açıqlamaya görə, Fuad Hüseyn Londonda İngiltərə Parlamentinin Xarici İşlər Komitəsinin sədri Tom Toghandat ilə ikitərəfli münasibətlər və İraqdakı təhlükəsizlik, siyasi, iqtisadi və səhiyyə məsələlərini müzakirə etmək üçün görüşdü.

Fuad Hüseyn: “İŞİD terror qruplaşması İraq və qonşu ölkələr və dünya üçün bir təhdid olmağa davam edir və İŞİD ünsürləri İraq, Suriya və bəzi Afrika ölkələrində yenidən təşkilatlanmağa çalışırlar.” – dedi.

Fuad Hüseyn İraq qüvvələrinin davamlı təhsili və terror qruplarının yenidən təşəkkülünün qarşısını almaq üçün kəşfiyyat məlumatları mübadiləsi daxil olmaqla, İŞİD-lə mübarizədə İngiltərə ilə əməkdaşlıq etməyin vacibliyini vurğuladı.

Görüşdə İraq Xarici İşlər Naziri İngilis şirkətlərini ölkəsinə sərmayə qoymağa dəvət etdi.