Sionist qüvvələr Hizbullahdan qorxaraq Livan sərhədindəki bazadan mühüm sənədləri götürməyi unudub
Sizinyol xarici mediaya istinadən xəbər verir:
Sionist bir qəzet Hizbullahın intiqam vədlərindən qorxaraq tələsik Livan sərhədindəki bir bazanı boşaldan Sionist qüvvələrin orada əhəmiyyətli sənədlər unutduğunu yazdı.
İsrail hərbi senzurası bölməsi üç aydan sonra rejimin Livanla sərhəd yaxınlığındakı hərbi bazalarından birinin içərisində böyük bir təhlükəsizlik pozuntusu olması barədə məlumatların açıqlanmasına icazə verdi.
“Yedioth Ahronoth” qəzeti öz müxbirinin həmin bazaya girdiyini və içərisində axtarış edərək, hərbi fəaliyyət və hərbi texnika ilə əlaqəli gizli və həssas sənədlər tapdığını yazdı.
Əl-Mayadin ayrıca Yediot Ahronotun müxbirinin hərbi kazarmaları, gözətçi məntəqələrini və əməliyyat otaqlarını heç bir maneə olmadan lentə aldığı bildirilən bir video haqqında da məlumat verdi. Məruzədə bu bazadakı gündəlik yaşayış planı, mühafizənin necə aparıldığı, zabitlərin şəxsi məlumatları, mövcud avadanlıq və videokamera çəkilişlərinə aid bir neçə gizli sənəd tapıldığı deyilir.
2020-ci ilin iyul ayında Sionist rejim Şam yaxınlığında bir bölgəyə hücum etdi və “Əli Möhsin Kamil” adlı bir Hizbullah komandirini öldürdü. Hizbullah intiqam alacağını vəd etdi və rejim o vaxtdan bəri Livan sərhədindəki bəzi bazalarını boşaldaraq qüvvələrini yüksək hazırlıq vəziyyətinə gətirdi.
