Prezident İlham Əliyev: Ermənistan İran üzərindən silah gətirə bilməyib

“Nə üçün İran üzərindən silahları Ermənistana gətirə bilməyiblər?! Ona görə ki, İran bizim dostumuz və qardaş ölkədir.”

SalamNews xəbər verir ki, Azərbaycan Respublikasının prezidenti İlham Əliyev bunu Qarabağla bağlı bugün Azərbaycan xalqına müraciətində deyib.

Azərbaycan Respublikası prezidenti işğalçı siyasətinə görə Ermənistanın beynəlxalq müstəvidə eləcə də qonşuları arasında təcrid edildiyini bildirib.

Prezident deyib:

“İran da öz hava məkanını Ermənistana silahların daşınmasına qarşı bağladı. İran bizim xahişimizi nəzərə aldı. Onlar istəməyiblər ki, Ermənistan gəlib, azərbaycanlıları öldürsünlər. Ermənistan Gürcüstana qarşı da eyni iddia irəli sürüb. Gürcüstan da öz hava məkanını bağlayıb.”