Putin: Rus jurnalistlərin hüquqlarının pozulmasına qarşı ciddi şəkildə mübarizə aparılacaq
Sizinyol xarici mediaya istinadən xəbər verir:
Rusiya Prezidenti digər ölkələr tərəfindən rus jurnalistlərinin hüquqlarının pozulmasına qarşı sərt tədbirlərin görülməsinə çağırdı.
Sputnik xəbər agentliyinin verdiyi məlumata görə, Rusiya Prezidenti Vladimir Putin Moskvanın xaricdəki rus jurnalistlərinin hüquqlarının pozulması ilə qətiyyətlə məşğul olacağını söylədi.
Vladimir Putin cümə axşamı günü iki rus jurnalistin AB sanksiyalarını pozmaqda günahlandırdıqdan sonra, rus jurnalistlərin hüquqlarının xarici ölkələr tərəfindən pozulduqda, Moskvanın sərt reaksiya göstərməli olduğunu söylədi.
Rusiya Prezidenti bəzi ölkələrin rəsmi sənədlərində Rusiyanı “geosiyasi düşmənləri” olaraq təyin etdiklərini və buna görə rus jurnalistlərinə təzyiq göstərdiklərini qeyd etdi.
Rusiya prezidenti qeyd etdi ki, xarici ölkələr “ifadə azadlığını” təbliğ etmələrinə baxmayaraq, əslində başqa bir konsepsiyaya sadiq qalırlar: yalnız öz daxili və xarici siyasətlərinə fayda gətirən öz məlumat məzmunlarını təbliğ edirlər.
Sputnik və Balt News əməkdaşları əvvəllər Latviya hakimiyyəti tərəfindən AB sanksiyalarını pozmaqda günahlandırılmışdı. 2018-ci ildə Latviyanın
“Sputnik” saytının baş redaktoru Valentin Rozenkov Moskvaya səfər etdiyinə görə həbs olundu. Sputnik-in mətbuat xidməti belə bir vəziyyətin Latviyada və digər Baltikyanı ölkələrdə adi hala çevrildiyini vurğuladı.
