İraqın baş naziri Türkiyəyə rəsmi səfərə gedir

İraqın baş naziri Mustafa əl-Kazimi gələn həftə Türkiyəyə rəsmi səfərə gedəcək.

İnterAz SalamNews-a istinadla xəbər verir ki, bu barədə İraqın Türkiyədəki səfiri Həsən əl-Cənabi açıqlama verib.

Bildirilib ki, İraqın baş naziri Mustafa əl-Kazimi gələn həftə rəhbərlik etdiyi nümayəndə heyətilə birgə Ankaraya rəsmi səfərə yollanacaq.

Qeyd edək ki, Türkiyənin İraqın şimalında PKK-a qarşı vaxtaşırı hava zərbələri endirməsi, İraqdan keçən Dəclə çayının Türkiyədən olan hissəsində bir sıra su barajlarının tikintisi və istismarı və digər məsələlər iki ölkənin arasında mövcud olan fikri ayrılıqlarıdır.