Türkiyədə mikroavtobus təcili yardım maşını ilə toqquşdu, xəsarət alanlar var FOTO
Türkiyədə bir neçə nəfərin xəsarət alması ilə nəticələnən ağır yol qəzası olub.
Bu barədə “Report” “Habertürk”ə istinadən xəbər verir.
Məlumata görə, hadisə Denizli əyalətinin Honaz rayonunda qeydə alınıb. Belə ki, təcili yardım maşını sərnişin daşıyan mikroavtobusla toqquşub. Hadisə nəticəsində aralarında təcili yardım maşınının sürücüsü, həkimlər, yeni doğulan körpə və anası da olmaqla, 14 nəfər xəsarət alıb. Yaralılar xəstəxanalara yerləşdirilib.
Qeyd edilir ki, qəza zamanı yaralanan təcili yardım maşınının sürücüsü, 1 həkimin və körpənin vəziyyəti ağırdır.
