Suriyanın cənubunda aralarında İsrail hərbi avadanlıqları olan silah yükləri aşkarlanıb (VİDEO)
Suriya Ordusu vaxtilə radikal qruplaşmaların olduğu bölgələrdə təmizləmə işləri zamanı silah yükləri aşkarlayıb.
SalamNews bu barədə Suriyanın dövlət xəbər agentliyi SANA-a istinadla xəbər verir.
Bildirilib ki, Suriya Ordusu və təhlükəsizlik qüvvələri ölkənin cənubunda vaxtilə radikal qruplaşmaların olduğu bölgələrdə təmizləmə işləri zamanı silah yükləri aşkarlayıblar.
Silah yüklərinin arasında İsrail silah-surdatları və hərbi avadanlıqları da var.
Qeyd edək ki, Suriya Ordusu 2017-ci ilin sonu və 2018-ci ilin ilk aylarında ölkənin cənubunda Dəra və Suveyda əyalətlərini tam şəkildə nəzarətə götürüb. Bölgədə olan bəzi radikal birləşmələr anlaşmaya əsasən yalnız yüngül silahları ilə birgə Türkiyə sərhədi zolağında yerləşən İdlibə yollanıblar.
