Livanlı müğənniyə 22 il həbs cəzası verildi

Sizinyol xarici mediaya istinadən xəbər verir:

Livan hərbi məhkəməsi Ən-Nüsrə terrorçuları ilə əlaqəli olan Livan müğənnisi Fazl Şakirini 22 il həbs cəzasına məhkum etdi. Dünən gecə (çərşənbə) bir Livan hərbi məhkəməsi livanlı müğənni Fəzl Şakiri terrorçularla işbirliyinə görə 22 il həbs və beş milyon lira ödəməyə məhkum etdi.

Ənab Bəldi veb saytının verdiyi məlumata görə, Livan hərbi məhkəməsi Fəzl Şakirə qarşı iki hökm çıxardı. İlk cəzası, lojistik xidmətləri təqdim edərək bir terror aktında işbirliyinə görə 15 il həbs cəzasıdır.

İkinci cəzası isə Əhməd Əl-Əsir (Livanda Şeyx Fitnə olaraq bilinir) terror qrupuna maddi yardım etdiyi üçün beş milyon lirə ödəmək və 7 illik həbs cəzasıdır.

Bu, Livan hərbi məhkəməsinin ona qarşı ilk dəfə hökm çıxarması deyil. 2017-ci ilin sentyabrında məhkəmə onu 15 il həbs cəzasına məhkum etdi. Hökm Fəzl Şakirinin 2013-cü ildə Əhməd Əl-Əsir tərəfdarları ilə Livan ordusu arasında onlarla ölü və yaralanma ilə nəticələnən qarşıdurmalarda iştirakı səbəbindən verildi.

Fəzl Şakir 2012-ci ildə mahnı oxumaqdan imtina və suriyalı terrorçulara dəstəyini elan edən və onlara dəstək olaraq bir sıra mahnı oxuyan Livan müğənnisidir. Fəzl Şakir Ən-Nüsrə ilə əlaqəli bir terror qruplaşmasının lideri Əhməd Əl-Əsirlə çəkilən bir çox şəkildə görülür.