İranın Qüds Qüvvələrinin komandiri Bağdada səfər etdi

İranın Qüds Qüvvələrinin komandiri general İsmayıl Qaani Bağdada səfər edib və İraqın yüksək vəzifəli şəxsləri ilə görüşüb.

Deyerler.org xəbər verir ki, Əl-Aləm informasiya agentliyinin İraqdakı müxbirinin bildirdiyinə görə, İranın Qüds Qüvvələrinin komandiri general İsmayıl Qaani keçirdiyi görüşlərdə İran ilə İraq arasında ikitərəfli əməkdaşlığın inkişaf etdirilməsi yollarını müzakirə edib.

Əl-Aləm müxbiri general Qaaninin İraqın paytaxtına səfərinin əvvəlcədən planlaşdırılan səfərlər çərçivəsində reallaşdığını söyləyib.

SEPAH-ın Qüds Qüvvələrinin komandiri əvvəlki dövrlərdə İraqa səfər etmiş və ölkədəki yüksək vəzifəli şəxslərlə görüşmüş və onlarla ikitərəfli əlaqələrin inkişafını müzakirə etmişdi.