Şəhid General Qasim Süleymaninin ABŞ, İŞİD və Sionistlər əleyhinə fəaliyyətləri
Sizinyol xarici mediaya istinadən xəbər verir:
İranın bölgədəki İŞİD-ə qarşı fəaliyyəti heç kimdən gizlədilən bir şey deyil. İraq və Suriyada İŞİD-in meydana çıxması ilə İran bu ölkələrdə qanuni olaraq İraq və Suriya hökumətləri, eləcə də Rusiya kimi ölkələrin köməyi ilə İŞİD-ə qarşı fəaliyyətə başladı. İraq və Suriya komandirlərinin nəzərincə, İran İŞİD-ə qarşı müharibədə əhəmiyyətli rol oynadı.
İnqilab Keşikçiləri Korpusunun Qüds Qüvvələri komandiri General Qasim Süleymani İraqın paytaxtı Bağdadı terror qruplaşması İŞİD qüvvələrinin hücumlarından müdafiə əməliyyatına rəhbərlik edir və o vaxtdan bəri onun adı İraq və Suriyanın müxtəlif bölgələrinin azad edilməsinə səbəb olan müxtəlif əməliyyatlarda dəfələrlə hallanırdı.
İnqilab Lideri qanuni və demokratik Suriya hökumətinin qorunmasının zəruriliyini vurğulamışdı. Seyid Həsən Nəsrullah İnqilab Rəhbərinin bu sözünə işarə edir: “Əgər Suriya ilə bağlı dəqiq bir ifadəyə işarə etmək istəsəm, bu, İnqilab Rəhbərinin bu ölkə haqqında istifadə etdiyi və dediyi bir cümlədir: “Suriya xeymənin dirəyidir. Bu gün Suriya olmasa, Livan və Fələstindəki müqavimət kənarda qalacaq.”
Bu açıqlama İŞİD-lə mübarizə və Suriyanı və xalqını qorumaq üçün İran qüvvələrinin oradakı varlığına birbaşa təsir etdi.
İndi bu prosesin başlamasından altı il sonra, bütün bu illər ərzində bölgədə İŞİD-ə yardımçı kimi çıxış edən ABŞ, bombalanmalardan sonra da onlara həm maddi, həm də hərbi yardım etdi.
2014-cü ilin iyun ayında İŞİD qüvvələri İraqın şimal bölgələrinə doğru irəlilədilər və Mosul da daxil olmaqla ölkənin şimalındakı mühüm bölgələri sürətlə ələ keçirə bildilər.
Digər tərəfdən, İŞİD qüvvələri Əl-Ənbar əyalətində İraqın qərb sərhədlərindən irəliləməyə başladılar və bu vilayətin böyük bir hissəsini işğal edərək İraqın paytaxtını ələ keçirmək üçün Bağdada doğru hərəkət etdilər.
Mosulun ələ keçirilməsindən sonra İŞİD Ərbil şəhərini mühasirəyə aldı və İraq Kürdüstanının əhəmiyyətli bir hissəsini işğal etməyə çalışdı.
İnqilab Keşikçiləri Qüds Qüvvələri komandiri General Süleymani 70 əsgəriylə şəxsən Ərbil şəhərinə gedir və şəxsən komandiri olduğu əməliyyat əsnasında Ərbil şəhərinin mühasirəsini yarmağı bacarır.
İtaliyanın İraqdakı keçmiş səfiri Marco Carnellos: “Amerikalılar da mənimlə xüsusi görüşlərinizdə İranın 2014-cü ildəki sürətli müdaxiləsinin Mosulun süqutunun qarşısını aldığını özəlliklə etiraf etdilər.” – deyə bildirib.
General Səfəvi də bu mövzuya təkid edib: “Qasim Süleymaninin və dostlarının iştirakı olmasaydı, Bağdad və Şam süqut etmiş olardı.”
Aşura əməliyyatı Bağdad ətrafında Curf Əs-Səxr şəhərinin azad edilməsinə səbəb olan Qasim Süleymani və General Dilavər Xürrəmruzun komandirliyi altında İŞİD qüvvələrinə qarşı aparılan bir əməliyyatın adıdır. Əməliyyat İraq qüvvələrinin itki vermədən İŞİD qüvvələrinə ağır tələfat verməsi ilə nəticələnib.
Qasim Süleymani haqqında çox açıq olan məqam İslam Respublikasının birinci dərəcəli düşmənlərinin onun şəxsiyyətini tərifləməsi və müxtəlif regional arenalarda misilsiz rolu və təsirini qəbul etməsidir.
Amerikan New Yorker jurnalının müəllifi Dexter Felkins Qasim Süleymanini tanıdan 10000 sözdən çox olan hesabatda onu “Kölgə Komandiri” və ya “Məxfi Komandir” adlandırdı.
Bu başlıq Amerikanın Atlantik jurnalından tutumuş, France 24 və sair mediada Qasim Süleymaninin “Orta Şərqi yenidən dizayn edən İran komandiri” kimi nisbi gizli rolunu vurğulamaq üçün dəfələrlə təkrarlanmışdı.
2019-cu il mart ayının ortalarında İngilis BBC Two kanalı da “Kölgələr Komandiri: İranın Hərbi Düşüncə Beyni” adlı bir saatlıq sənədli film yayımladı.
Bu, bir daha Qasim Süleymaninin Orta Şərqdəki dəyişikliklərdəki roluna və ABŞ əsgərlərinin keçmiş komandanı General David Petraus və ABŞ-ın İraqdakı xüsusi əməliyyatlarının keçmiş komandiri Stanley McChrystal kimi keçmiş yüksək səviyyəli ABŞ rəsmilərinin Hacı Qasim və onun təcrübəsi haqqında şərhinə diqqəti yönəldir.
