İdlibdə terrorçular yenidən fəallaşdı. Suriya ordusu hazırlığını artırdı

İdlibin bəzi bölgələri bir neçə həftəlik sakitlikdən sonra terrorçuların hərəkətlərinə şahid olub və Suriya ordusunun vaxtında verdiyi cavabla bu hərəkətlərin qarşısı alınıb.

Deyerler.org xəbər verir ki, İdlibdə (Suriyanın şimalında) bir neçə həftəlik nisbi sakitlikdən sonra Cəbəl-Zəviyyə oxu (İdlibin qərbində) Harasuddin, Ənsar Əl-Tövhid və Təhrir Əş-Şam kimi tanınan terror qruplarının yaratdığı gərginliyə bir daha şahid olub.

Sputnik-in İdlibdəki müxbiri silahlı qrupların Suriya ordusunun Cəbəl Əz-Zəviyyə və İdlibin cənubundakı mövqelərini minaatanla hədəfə almağa çalışdıqlarını, ancaq itki olmadığını bildirib.

Məlumata görə, Suriya ordusunun bölmələri Cəbəl Əz-Zəviyyədəki Kansafra, Safohan və Baladəh Əl-Bara oxundakı terrorçuların mövqelərini hədəfə almaq üçün top və raketlərlə cavab verib.

Münaqişənin baş verdiyi bölgədəki bir mənbə Sputnik-ə bildirib ki, terrorçular İdlibin cənubundakı Bənin və Kafr Əl-Batıx istiqamətində soxulmağa çalışıblar, lakin qabaqcıl zərbələrlə Suriya ordusunun kəşfiyyat bölmələri tərəfindən dayandırılıb, bir neçə terrorçu öldürülüb və xəsarət alıb.

İdlib cəbhəsindəki inkişaflarla əlaqədar olaraq, mənbə terrorçuların Cəbəl Əz-Zəviyyə, Səhl Əl-Qab və Laziqiyyənin şimal-şərq bölgələrində mövqelərini gücləndirməyə çalışdıqlarını, ancaq bu hərəkətlərin müttəfiq Rusiyanın əməkdaşlığı ilə yaxından izlənildiyini və tez bir şəkildə reaksiya verildiyini söyləyib.

Suriya ordusunun Həma, İdlib və Lazkiyyədəki hər cəbhədə hər cür gözlənilməz hadisəyə hazır olmaq üçün hazırlıq səviyyəsini artırdığını da bildirilib.