Yəhudi mühacirlər Qərb sahilində fələstinlilərə hücum etdilər
Az.shafaqna.com AA-ya istinadən xəbər verir ki, yəhudi mühacirlər İordan çayının Qərb sahilində fələstinlilərə hücum ediblər.
Bu barədə fələstinli fəal Cihad əl-Kak məlumat verib.
Onun sözlərinə görə, insident Ramallahdakı Kafr-Malik rayonunda baş verib. Yəhudi mühacirlər fələstinlərə daşlar atıblar və onlara çubuqlarla hücum ediblər, havaya atəş açıblar.
Qeyd edilir ki, fələstinlilər öz sahələrində əkinlə məşğul olmaq istəyən zaman hücuma məruz qalıblar.
Nəticədə 3 fələstinli yaralanıb.
Xatırladaq ki, son zamanlar adıçəkilən ərazidə tez-tez yerli fələstinlilər və buraya sonradan köçmüş yəhudi mühacirlər arasında toqquşmalar baş verir. İsrail polisi tərəfkeşlik edərək yəhudi mühacirlərin tərəfini saxlayır.
