Rusiyada mebel fabrikində dəhşətli yanğın başlayıb – YENİLƏNİB + FOTO
Moskvada “Broteks” mebel fabrikinin ərazisində metal anbarda baş verən yanğın lokallaşdırılıb.
Bu barədə TASS Rusiya Fövqəladə Hallar Nazirliyinin Baş İdarəsinin mətbuat xidmətinə istinadla məlumat verib.
Mənbənin sözlərinə görə, yanğını söndürmək üçün xüsusi yanğın qatarı cəlb olunub.
Baş verənlərlə əlaqədar prokurorluq yoxlamalara başlayıb.
11:39
Moskvada “Broteks” mebel fabriki ərazisində metal anbar yanır. Yanğının sahəsi səkkiz min kvadratmetrdir.
Zərərçəkənlər barədə məlumat verilməyib.
Hazır mebellərin saxlanıldığı anbarda 15-ə qədər propan balonunun olduğu vurğulanıb.
Oxu.az
