İsrail Qəzzanı artileriyadan hədəfə alıb, yaralananlar var

İsrail ötən gecə tank və toplardan Qəzzanın müxtəlif bölgələrini hədəfə alıb. İki nəfər yaralanıb.

İnterAz bu barədə SalamNews-a istinadla xəbər verir.

Bildirilib ki, Qəzzada əl-Mağazi qaçqın düşərgəsində mərmilərin bir evə düşməsi nəticəsində iki nəfər yaralanıb.

Yaralılar Dirul-Bələh bölgəsində xəstəxanaya çatdırılıblar.

İsrail artileriyası ötən gecə Qəzza şəhərinin şərqini, Qəzzanın şimalında Beyt-Hanun qəsəbəsini və regionun mərkəzində iki qaçqın düşərgəsini hədəfə alıb.

İsrail bu hücumu, Qəzzadan mərmilər və raketlərin atılması ilə əlaqələndirib.

Qeyd edək ki, milyonlarla insanın yaşadığı Qəzza 2008-ci ildən hava, quru və sudan İsrailin mühasirəsindədir. Misirlə sərhəddə yerləşən Rəfəh keçidi isə nadir hallarda və məhdudiyyətlər tətbiq edilməklə açılır.