Lavrov: Rusiya Qarabağdakı vəziyyətlə bağlı İranla dialoqu dərinləşdirməkdə maraqlıdır

Moskva və Tehran, Dağlıq Qarabağ ətrafındakı vəziyyət də daxil olmaqla bir sıra regional məsələlər üzrə dialoqun dərinləşdirilməsində maraqlıdır.

Bunu Rusiya Xarici İşlər naziri Sergey Lavrov İran Xarici İşlər naziri Məhəmməd Cavad Zəriflə danışıqlara başlayarkən bildirib.

“Ölkələrimizin bizi əhatə edən bölgədəki rolunu nəzərə alaraq, Fars körfəzindəki təhlükəsizlik, Əfqanıstan nizamlaması problemləri kimi mövzularda dialoqun dərinləşdirilməsində maraqlıyıq. Əlbəttə ki, Rusiya, Azərbaycan və Ermənistan liderləri razılığa gəldikdən sonra Dağlıq Qarabağ ətrafında yaranan vəziyyəti də müzakirə edə bilərik”, Rusiya Xarici İşlər Naziri bildirib.

SALAMNEWS