Suriya Ordusu Palmira-Dirazzur yolunda 8 terrorçunu məhv edib

Suriya Ordusu ölkə səhrasında, xüsusilə də Dirazzur yolunda nəqliyyat vasitələrinə hücum edən və İŞİD-ə mənsub olduqları deyilən 8 terrorçunu məhv edib.

Bu barədə hərbi mənbələr məlumat veriblər.

Bildirilib ki, ötən həftələrdə Dirazzur – Palmira yolunda mülki insanları və hərbçiləri daşıyan avobusları hədəfə alan terrorçulardan səkkizi məhv edilib.

Bildirilib ki, terrorçuların yeri aşkarlandıqdan sonra əməliyyat həyata keçirilib və onlara məxsus iri çaplı pulemyotlar daşıyan pikaplar sıradan çıxarılıb.

Suriya Ordusu mənbələri bildirir ki, bu terrorçular Suriya səhrasında ABŞ-ın nəzarətində olan (Suriya-İordaniya və İraq sərhədində yerləşən) ət-Tənif bölgəsindən gəlirlər.

SALAMNEWS