İran, Cavad Zərifin Azərbaycana və digər region ölkələrinə səfərini müvəffəqiyyətli olduğunu bildirib

İran Məhəmməd Cavad Zərifin Bakı da daxil olmaqla regiona səfərini səmərəli və müvəffəqiyyətli adlandırıb.

Bunu İranın Xarici İşlər Nazirliyinin mətbuat katibi Səid Xətibzadə deyib.

İran rəsmisi bildirib ki, xarici işlər naziri Məhəmməd Cavad Zərifin Bakı, Moskva, Yerevan, Gürcüstan və İstanbula səfəri ən səmərəli və müvəffəqiyyətli səfərlərdən biri olub.

Həftəlik mətbuat konfransında Məhəmməd Cavad Zərifin səfərindən danışan İran rəsmisi bildirib ki, ölkənin XİN rəhbəri bu səfər çərçivəsində region müstəvisində əməkdaşlıq prespektivləri, bölgədə daimi sülh və sabitliyin baş tutmasının əhəmiyyəti və 3+3 formatında əməkdaşlıq mexanizmi haqda müzakirələr aparıb.

SALAMNEWS