ABŞ sərhəd keçid məntəqələrində mühacirlərin və uşaqların vəziyyətini əks etdirən görüntülər + Video
Sizinyol xarici KİV-ə istinadən xəbər verir ki, cümə günü bir sıra respublikaçı senatorlar, ABŞ sərhəd keçid məntəqələrində mühacirlərin və uşaqların izdiham dolu şok görüntülərini yayımlayaraq Co Bayeni bu böhrana görə kəskin tənqid ediblər.
Respublikaçı senator Ted Kruz, bir mətbuat konfransında, bu qeyri-insani addımdır, deyə bildirib.
Kruz mətbuat konfransında ayrıca yer və imkanatın olmamasını və mühacirlərin vəziyyətinin pis olduğunu göstərən görüntüləri yayımlayarkən qəfəsə işarə edib. O, bu işarə ilə demokratların Tramp administrasiyasının uşaqları qəfəsdə saxladığını söyləyərək Donald Trampı tənqid etmələrini yada salıb.
ABŞ Gömrük və Sərhəd Mühafizəsi Departamenti hələ də medianın girişinə icazə verməsə də Donna və El Paso şəhərlərində və Texas ştatındakı sərhəd keçid məntəqələrinin vəziyyətini göstərən iki video və 44 foto yayımlayıb.
